पुणे : पुणे शहरातून धक्कादायक प्रकार समोर आला आहे. लग्नाच्या आमिषातून महिलेशी जबरदस्तीने शारीरिक संबंध (Physical relationship) ठेवत महिलेच्या 5 वर्षाच्या मुलावर अनैसर्गिक अत्याचार केल्याचा धक्कादायक प्रकार पुणे शहरातून समोर आला आहे. पतीपासून एका दिवसात फारकत घेऊन देऊन सुरुवातीला लग्नाचे आमिष दाखवले त्यानंतर हे कृत्य केले. तसेच वेगवेगळी कारणे सांगून 4 चार लाख रुपये उकळले. हा प्रकार ३ ऑगस्ट २०२२ ते २ एप्रिल २०२३ या कालावधीत घडला आहे. याप्रकरणी एका ३५ वर्षीय महिलेने स्वारगेट पोलीस ठाण्यात तक्रार दाखल केली आहे. त्यावरून पोलीसांनी प्रथमेश चंद्रकांत सोकटे (रा. बारामती) याच्या विरुद्ध गुन्हा गुन्हा दाखल केला आहे.
मिळालेल्या माहितीनुसार, तक्रारदार व आरोपी सोकटे याची फोनवरून ओळख झाली होती. त्यानंतर आरोपी सोकटे याने फिर्यादी यांचे पतीसोबत एका दिवसात फारकत करुन देण्याचे आश्वासन दिले व त्यांना लग्नाचे आमिष दाखवले. तसेच स्वारगेटजवळील नटराज हॉटेलमध्ये त्यांच्याशी शारीरीक संबंध ठेवले व वेगवेगळी कारणे सांगून ४ लाख रुपये उकळले. याशिवाय तक्रारदार या आपल्या ५ वर्षाच्या मुलावर अनैसर्गिक अत्याचार केला. पुढील तपास पोलीस करत आहेत.
