चीनमध्ये बर्ड फ्लूच्या H3N8 स्ट्रेनच्या पहिला मानवी रुग्ण सापडला आहे. चार वर्षांच्या मुलाला H3N8 Bird Flu चा संसर्ग झाला आहे. मात्र घाबरून जाण्याचे कारण नाही कारण लोकांमध्ये हा संसर्ग पसरण्याचा धोका कमी आहे. एव्हीयन इन्फ्लूएन्झा प्रामुख्याने जंगली पक्षी आणि कुक्कुटांमध्ये आढळतो. मानवांमध्ये त्याचा प्रसार होण्याची शक्यता कमी असते.
चीनमधील हेनान प्रांतात राहणाऱ्या एका 4 वर्षांच्या मुलामध्ये ताप आणि इतर लक्षणे दिसल्याने त्याला रुग्णालयात दाखल केले. त्यात हा मुलगा H3N8 Bird Flu या विषाणूने पॉझिटिव्ह आढळला. घरात पाळलेल्या कोंबड्या संपर्कात मुलगा आला होता त्यामुळे त्याला संसर्ग झाला असल्याची शक्यता आरोग्यविभागाकडून व्यक्त केली जात आहे.
