व्यायाम करा
दिनचर्येमध्ये व्यायाम, योग यांचा समावेश करावा. मोकळ्या हवेत फिरायला जावे. यामुळे शरीराला अधिक प्रमाणात ऑक्सिजन भेटतो तसेच रक्ताभिसरणही सुरळीत राहते.
तेलाने मालिश करणे
रात्री झोपण्यापूर्वी नियमितपणे तळपायाची कोमट खोबरेल तेलाने मालिश करावी. यामुळे पायाच्या नसा मोकळ्या होतात.
शेक द्यावा
पायात गोळे आल्यावर गरम पाण्याने किंवा गरम पिशवीने ५-१० मिनिट पाय शेकवावा.
योग्य आहार घ्यावा
शरीरातील पाण्याची पातळी कमी झाल्यामुळे पायांमध्ये गोळे येतात. त्यामुळे अधिक पाणी प्यावे. आहारामध्ये व्हिटॅमिन बी-१२ चे प्रमाण वाढवावे. त्यासाठी मोड आलेली कडधान्ये, दुग्धजन्य पदार्थ, अंडी पालेभाज्या खाव्यात. तसेच शेवगा, उकडलेल्या अंडय़ाचा पांढरा भाग, डिंकाचे लाडू, कोबी असे कॅल्शियमयुक्त पदार्थ खावेत.
तूप
रात्री झोपण्यापूर्वी तूप थोडं कोमट करून घ्या. ते तळपायाला लावा. यामुळे पायात गोळे येण्याची समस्या दूर होईल.
लसूण व सुंठ
सकाळी सुंठीचे काही तुकडे व लसणाच्या २ पाकळ्या चावून खा. या पदार्थांच्या सेवनामुळे शरीरातील रक्तप्रवाह व्यवस्थित होतो.
कोमट पाणी आणि मीठ
कोमट पाण्यामध्ये जाड मीठ टाकून त्यात २० ते २५ मिनिट पाय बुडवून बसावे.
पिंपळाची पाने
पिंपळाची 3-4 पाने मोहरी तेलात उकळून घ्या. जेव्हा पायात गोळे मुंग्या येतील त्या जागेवर हे तेल लावा.
शरीराची हालचाल करावी
दीर्घकाळ एकच जागी बसणे अथवा उभे राहणे टाळावे. थोड्या थोड्या वेळाने शरीराची हालचाल करत रहावी.
टीप – वारंवार जर पायात गोळे येत असतील तर वैद्यकीय सल्ला अवश्य घ्यावा. कारण वारंवार पायात गोळे येणे इतरही आजारांचे लक्षण असू शकते.
