रक्तातील कॅल्शियमचे प्रमाण स्थिर ठेवणे आणि हाडांना बळकट करणे हे ‘ड’ जीवनसत्त्वाचे महत्वाचे काम आहे. कोरोनामुळे वर्क फ्रॉम होम आणि ऑनलाईन शिक्षणाला सुरुवात झाली. याचा सर्वात मोठा परिणाम म्हणजे लोकांची जीवनशैलीत आमूलाग्र बदल झाले आहेत. मोबइलचा अतिवापर करण्याची सवय लागलेले लोक रात्री उशिरा झोपून उशिरा उठू लागले आहेत. परिणामी सकाळच्या कोवळ्या उन्हापासून लोक वंचित राहू लागले आहेत. कोवळ्या उन्हातून मिळणाऱ्या ‘ड’ जीवनसत्त्वाचा अभाव लोकांमध्ये दिसू लागला आहे.
रोज एक ‘आवळा’ खा आणि दीर्घायुषी व्हा
‘ड’ जीवनसत्त्वाचा अभावी होणारे रोग
ड जीवनसत्त्वाच्या कमतरतेमुळे मुलांमध्ये मुडदूस हा विकार होतो. या विकारात डोक्याचा आकार मोठा होणे, बरगड्या व पाठीचा कणा वाकणे मोठे पोट, पाय धनुष्यकृती आकारात वाकणे, लहान मूल वेळेत चालायला न लागणे, दात योग्य वेळेवर न येणे यांसारखी लक्षणे दिसून येतात.
तर, मोठ्या लोकांमध्ये स्नायूंचे दुखणे, अशक्तपणा, थकवा, दंतक्षय, जखम उशिराने भरणे, केस गळणे आणि त्वचा रोग यांसारखे विकार आढळून येतात. ‘व्हिटॅमिन डी अभावी मानसिक समस्या देखील निर्माण होतात. मूडमध्ये बदल होत राहतो. तणाव, उदासीनता, निराशा येते.
‘ड’ जीवनसत्त्वा अभावी मधुमेह, रक्तदाब इत्यादी व्याधी नियंत्रणात येणे अवघड असते. तसेच तुम्ही योग्य आहार घेत आहात, पुरेशी झोप घेत आहात, तरीदेखील तुम्हाला थकवा जाणवत असेल, तर तुमच्या शरीरात ‘व्हिटॅमिन डी’ची कमतरता असू शकते.
‘ड’ जीवनसत्त्व मिळविण्याचे स्त्रोत
‘ड’ जीवनसत्त्वाच्या कमतरतेमुळे हाडातील कॅल्शियम कमी होऊन हाडांची मजबुती कमी होते. ‘ड’ जीवनसत्त्व दात, मज्जातंतू आणि स्नायू यांना बळकटी आणण्यासाठी आवश्यक असते. ‘ड’ जीवनसत्त्व हे आहारातून तसेच कोवळ्या सूर्यप्रकाशातूनही मिळवता येते. मासे, कॉड लिव्हर ऑइल, ताजे लोणी, चीज, मशरूम, अंडय़ातील पिवळा भाग, सोयाबीन, दूध, टोफू इत्यादी गोष्टींमधून ‘ड’ जीवनसत्त्व मिळते.
‘ड’ जीवनसत्त्व कोवळ्या उन्हाच्या संपर्कात आल्यानंतर त्वचेच्या आतील भागात तयार होते. शरीरातील कॅल्शियमच्या वापराला ते मदत करते.
डार्क चॉकलेट खा आणि हेल्थी रहा
