मुंबई : बॉलिवूडमधून (Bollyood) आज पुन्हा एकदा वाईट बातमी समोर आली आहे. साराभाई वर्सेस साराभाई 2 ( Sarabhai Vs Sarabhai) या प्रसिद्ध शोमधील प्रसिद्ध अभिनेत्रीचे कार अपघातात निधन झाले आहे. वैभवी उपाध्याय ( Vaibhav Upadhyaya accident)असे अभिनेत्रीने नाव असून तीने अवघ्या 32 व्या वर्षी जगाचा निरोप घेतला आहे. अभिनेत्रीच्या अशा अचानक जाण्याने मनोरंजन विश्व शोकसागरात बुडाले आहे.
हिमाचल प्रदेशमध्ये एका कार अभिनेत्रीचा अपघात झाला असून कुटुंबीय चंदिगडमधून तिचा मृतदेह मुंबईत आणत आहेत. बुधवारी सकाळी 11 वाजता मुंबईत अभिनेत्रीवर अंत्यसंस्कार होणार आहेत. मनोरंजन विश्वाला धक्का देणारी ही तीन दिवसातील तिसरी घटना आहे. याआधी अभिनेत्री सुचिंद्रा दासगुप्ता आणि अभिनेता आदित्य सिंह राजपूत या कलाकारांचं निधन झालं होतं.
अभिनेत्रीच्या निधनाची बातमी मिळताच चाहत्यांनी शोक व्यक्त केला आहे. ‘साराभाई व्हर्सेस साराभाई 2’ मध्ये वैभवीसोबत काम करणारे निर्माता-अभिनेते जेडी मजेठिया यांनी तिच्या मृत्यूची पुष्टी केली आहे. हिंदुस्तान टाईम्सच्या वृत्तानुसार, जेडीने टर्न घेत असताना उपाध्याय यांची कार दरीत पडल्याचा खुलासा केला. कारमध्ये वैभवीचा बॉयफ्रेंडसुद्धा होता. त्याची प्रकृती सध्या स्थिर आहे. अभिनेत्री वैभवीने टीव्ही शो ‘साराभाई व्हर्सेस साराभाई 2’,शिवाय ‘क्या कसूर है अमला का’, वेब सीरिज ‘प्लीज फाइंड अटॅच्ड’ आणि ‘छपाक’ चित्रपटातही काम केलं आहे.
