पुणे : टिळक रस्त्यावरील एका प्रसिद्ध कपड्यांच्या शो-रूममधील कॅशिअरने सव्वा लाखांचा अपहारकरून (fraud) फसवणूक केल्याचा प्रकार घडला आहे. या तक्रारीची प्राथमिक चौकशी केल्यानंतर पोलिसांनी गुन्हा नोंद केला आहे. तक्रारदार व त्यांच्या मालकाची कॅशिअरने फसवणूक केल्याचे तक्रारीत म्हटले आहे.
याप्रकरणी अजय अर्जुन मोरे याच्यावर खडक पोलीस ठाण्यात भादवी कलम ४०८ नुसार गुन्हा नोंद करण्यात आला आहे. याबाबत शो-रूमच्या वतीने तक्रार दिली आहे. हा प्रकार ऑक्टोंबर २०२० जुन २०२१ या कालावधीत घडला आहे.
मिळालेल्या माहितीनुसार, तक्रारदार यांचे टिळक रस्त्यावर व बाजीराव रोडवर कपड्यांचे शोरूम आहेत. या शो-रूममध्ये कॅशिअर म्हणून काम करत होता. यादरम्यान, १ लाख २१ हजार रुपयांचा अपहार केला. हा प्रकार नुकताच समोर आला. त्यानंतर त्यांनी पोलिसांकडे तक्रार दिली होती.
