कोकम फळाच्या अर्कापासून कोकम सरबत तयार केला जातो. कोकम सरबत शरीरारातील पाण्याची कमतरता दूर तर करतेच शिवाय शरीराला एनर्जीही देते. जाणून घेऊयात कोकम सरबत पिण्याचे इतर महत्वाचे फायदे- (Benefits of Drinking Kokum Sharbat)
शरीरातील उष्णता कमी होते
कोकम सरबताच्या सेवनाने शरीरातील उष्णता कमी होते. शरीरात थंडावा निर्माण होतो.
पचनसंस्था सुधारते
कोकम सरबताच्या सेवनाने चयापचय क्रिया अधिक वेगाने आणि चांगल्या पद्धतीने काम करते. त्यामुळे पोटाच्या समस्या निर्माण होत नाहीत.
रोगप्रतिकारक शक्ती वाढते
कोकमच्या फळामध्ये व्हिटामिन सी, सायट्रिक अ‍ॅसिड यासोबतच अनेक पोषकतत्वे असतात. यामुळे रोगप्रतिकारक शक्ती वाढते.
डायरियावर गुणकारी
तुम्हाला जर डायरियाचा त्रास होत असेल तर तुम्ही कोकम सरबत नक्की प्यायला हवा. कारण यात अँटीडायरिया गुण असतात.
निरोगी हृदयासाठी, रक्दाब नियंत्रित ठेवण्यासाठी उपयुक्त
कोकममध्ये कॅलरी अतिशय कमी असतात. तसेच कोकमाच्या फळामध्ये बी कॉम्प्लेक्स, विटामिन्स, पोटॅशियम, मँगनीज आणि मॅग्नेशियमसारखे पोषक तत्व असतात. हे गुण हृदयाची गती आणि रक्तदाबाची मात्रा नियंत्रित करण्यासाठी फायदेशीर ठरते.
