साधारणतः प्रोटीन म्हटलं की आपल्याला डोळ्यासमोर डाळी, कडधान्ये किंवा मांसाहार येतो. पण काही फळांमध्ये देखील प्रोटीन मुबलक प्रमाणात असते हे तुम्हाला माहिती आहे का? ही फळे केवळ स्वादिष्टच नसून, शरीराला आवश्यक पोषक तत्व पुरवतात. आज आपण अशा काही प्रोटीनयुक्त फळांची माहिती घेणार आहोत, जी दैनंदिन आहारात सामावून आरोग्य सुधारण्यासाठी उपयुक्त आहेत. Best for diet! These fruits are rich in protein
🍐 पेरू
एक कप पेरूच्या गरामध्ये सुमारे 4.2 ग्रॅम प्रोटीन असते. इतर फळांच्या तुलनेत पेरूमध्ये हे प्रमाण जास्त आहे. व्हिटॅमिन सी, फायबर आणि अँटीऑक्सिडंट्समुळे पेरू पचनशक्ती सुधारतो आणि रोगप्रतिकारशक्ती वाढवतो.
🥑 एवोकाडो
एवोकाडो हे सुपरफूड मानले जाते. एका कप एवोकाडोमध्ये जवळपास 4 ग्रॅम प्रोटीन असते. त्याचबरोबर शरीरासाठी आवश्यक सर्व पोषक तत्वांचा यात समावेश असतो. एवोकाडो हृदयासाठी अत्यंत फायदेशीर आहे.
🍈 फणस
एक कप फणसामध्ये अंदाजे 3 ग्रॅम प्रोटीन असते. व्हिटॅमिन सी आणि फायबरचे प्रमाणही भरपूर असल्याने हे फळ शरीर मजबूत ठेवते आणि पचनक्रियेस मदत करते.
🥝 किवी
एक कप किवीमध्ये 2.1 ग्रॅम प्रोटीन असते. लहान मुलांसाठी किवी खूप उपयुक्त आहे कारण यात व्हिटॅमिन्स मुबलक प्रमाणात असतात. हे थेट खाता येते किंवा स्मूदी बनवून देखील खाता येते.
🍇 ब्लॅकबेरी
ब्लॅकबेरीमध्ये जवळपास 2 ग्रॅम प्रोटीन असते. त्याशिवाय यात व्हिटॅमिन सी, फायबर, कॅल्शियम आणि लोह देखील मुबलक असते. त्यामुळे ब्लॅकबेरी त्वचा, हाडे आणि एकूणच शरीरासाठी फायदेशीर ठरते.
